काठमाडौँ — आफ्नो हैसियत थाहा नपाउने मन्त्री देशमा भएपछि जनताले राहत महसुस कसरी गर्ने ? केही दिनअघिदेखि ऊर्जामन्त्री दीपक खड्का नेपाल विद्युत् प्राधिकरणमा आफ्नो कार्यकक्ष नै खडा गरी बस्न थालेका छन् ।

उनले नेपाली जनमानसमा के सन्देश दिन खोजेका हुन्, उनैलाई थाहा होला । अहिलेसम्म कुनै पनि मन्त्रीले त्यतिसम्म गरेका थिएनन्, उनले आफ्नो हैसियत जनतालाई देखाए । मन्त्री क्वार्टरमा असुविधा भएर प्राधिकरणमा अफिस राखेर बसेका हुन् या विद्युत् बक्यौता नबुझाउने उद्योगीलाई प्रोत्साहन दिन ?

प्राधिकरणका कार्यकारी निर्देशक कुलमान घिसिङका विरुद्ध सरकार लागेको देख्दा अचम्म लाग्छ । करोडौं घाटामा गएको प्राधिकरणलाई घिसिङले फाइदामा पुर्‍याए । सरकार मातहतका संघसंस्था घाटामा किन गए भन्ने कुरा अहिले सरकारले गरेको कार्यले प्रस्ट देखाएको छ । सरकारले हरेक ठाउँमा हस्तक्षेप गर्नु राम्रो होइन ।