काठमाडौँ — नेपाल जियोटेक्निकल सोसाइटी (एनजीएस) ले अन्तर्राष्ट्रिय स्तरको प्रतिष्ठित आईएसएसएमजीई (इन्टरनेशनल सोसाइटी फर सोइल मेकानिक्स एन्ड जियोटेक्निकल इन्जिनियरिङ) को ‘सर्वोत्कृष्ट सदस्य संस्था अवार्ड–२०२६’ पाएको छ।

यही अवार्ड अस्ट्रेलियाले पनि पाएको हो। उक्त अवसरमा आइतबार ललितपुरस्थित युनिभर्सल इन्जिनियरिङ एन्ड साइन्स कलेजमा विशेष सम्मान तथा उत्सव कार्यक्रम आयोजना गरिएको छ।

विश्वभरका ९६ देशका सदस्य संस्था आबद्ध रहेको आईएसएसएमजीईले प्रत्येक चार वर्षमा उत्कृष्ट योगदान पुर्‍याउने राष्ट्रिय सदस्य संस्थालाई प्रदान गर्ने यो सम्मान यस पटक नेपाल जियोटेक्निकल सोसाइटीलाई प्रदान गरेको हो।

व्यावसायिक जियोटेक्निकल इन्जिनियरिङको विकास, अन्तर्राष्ट्रिय सहकार्य, ज्ञान आदानप्रदान तथा संस्थागत सक्रियताको मूल्यांकनका आधारमा नेपाललाई यो सम्मान प्राप्त भएको संस्थाकी महासचिव इन्जिनियर कल्पना अधिकारीले बताइन्। नेपाल जियोटेक्निकल सोसाइटीले सम्मान पाएको अवसरमा आइतबार ललितपुरस्थित युनिभर्सल इन्जिनियरिङ एन्ड साइन्स कलेजमा विशेष सम्मान तथा उत्सव कार्यक्रम आयोजना गरिएको छ।