काठमाडौँ — मध्यपूर्वमा बढेको भूराजनीतिक तनावका कारण ०८२ फागुन १६ देखि स्थगित कुवेत एयरवेजका नेपाल उडानहरू आजदेखि पुनः सुचारु गरेको छ। 

संयुक्त राज्य अमेरिका र इजरायलले इरानमाथि गरेको संयुक्त आक्रमण र त्यसपछि सिर्जित हवाई क्षेत्रको असुरक्षाका कारण इरानमा भएको सैन्य हमलापछि मध्यपूर्वका कुवेतसहित ९ वटा देशले आफ्नो हवाई क्षेत्रमा सुरक्षा सतर्कता बढाउदै उडान रोकेका थिए ।

खाडीका अन्य वायुसेवाले यसअघि नै  उडान सुचारु गरीसके पनि कुवेतले भने नेपालकालागि हुने उडानमा रोक नै लगाएको थियो ।

नेपाल नागरिक उड्डयन प्राधिकरण अन्तर्गको हवाई यातायात विभागले कुवेत एयरवेजलाई सेमबार (१८ मे २०२६ देखि २८ मे २०२६) सम्मका लागि पहिलो चरणको अस्थायी उडान अनुमति दिएको छ ।