इन्डिया फाउन्डेसनले सन् २०१६ देखि यो कार्यक्रम गर्दै आएको छ । सम्मेलनमा नेपालका तर्फबाट सहभागिता रहँदै आएको छ । गतवर्ष फेब्रुअरीमा मस्कटमा भएको आठौं सम्मेलनमा तत्कालीन परराष्ट्रमन्त्री आरजु राणा देउवा सहभागी भएकी थिइन् ।

हिन्द महासागर क्षेत्रमा सुरक्षा र स्थिरता, समुद्री व्यापार, आर्थिक सहकार्य, जलवायु परिवर्तन र समुद्री स्रोतको संरक्षणमा संयुक्त रणनीति बनाउने उद्देश्य लिएर यस कार्यक्रमको आयोजना गरिँदै आएको छ । ८ वर्षमा यो सम्मेलन हिन्द महासागर क्षेत्रका मुलुकहरूका लागि पारस्परिक मुद्दाहरूमा छलफल गर्ने प्रमुख मञ्च बनेको इन्डिया फाउन्डेसनको वेब साइटमा उल्लेख छ । क्षेत्रीय सुरक्षा र विकासका लागि सहयोगको सम्भावनाहरूमाथि छलफल गर्न यस क्षेत्रका साझेदारहरूलाई साझा मञ्चमा ल्याउने कार्य सम्मेलनले गर्दै आएको पनि फाउन्डेसनले जनाएको छ ।

यसैबीच परराष्ट्रमन्त्री खनालसँग सोमबार भारतीय राजदूत नवीन श्रीवास्तवले भेटवार्ता गरेका छन् । परराष्ट्रमन्त्रीमा नियुक्ति भएको १० दिनपछि खनालले पहिलो विदेशी कूटनीतिज्ञलाई भेटेका हुन् । परराष्ट्र मन्त्रालयका अनुसार राजदूत श्रीवास्तवले शिष्टाचार भेटघाट गरेका हुन् ।

भेटका क्रममा राजदूत श्रीवास्तवले भारतका विदेशमन्त्री एस जयशंकरका तर्फबाट मन्त्री खनाललाई बधाई तथा शुभकामना सन्देश दिएका थिए । साथै, दुई देशबीचको आपसी सम्बन्ध तथा सहकार्यलाई थप बलियो बनाउने विषयमा छलफल भएको परराष्ट्रका प्रवक्ता क्षेत्रीले बताए ।