काठमाडौँ — देशभरका विद्युत् व्यवसायीहरूबीच पहिलोपटक चितवनमा आयोजित अन्तरजिल्ला फुटसल प्रतियोगितामा काठमाडौं जिल्ला विजयी भएको छ । 

विद्युत् व्यवसाय संघ चितवनको आयोजनामा सम्पन्न ‘इलेक्ट्रा इलेक्ट्रिक कप’ फुटसल प्रतियोगितामा काठमाडौं लायन्स प्रथम तथा काठमाडौं टाइगर्स द्वितीय भएको संघका उपाध्यक्ष कृष्ण सुवेदीले जानकारी दिए । उनका अनुसार प्रतियोगितामा देशका विभिन्न ८ जिल्लाबाट नौ वटा टोलीहरूको सहभागिता रहेको थियो ।

प्रतियोगिता नेपाल विद्युत् व्यवसायी महासंघको प्रवर्द्धनमा तथा चितवन उद्योग वाणिज्य संघको सहकार्यमा आयोजना गरिएको हो ।  सुवेदीका अनुसार  प्रतियोगिताले देशभरका व्यवसायीहरूलाई एउटै मैदानमा जोड्दै खेलकुद, ऊर्जा र एकताको सन्देश प्रवाह गरेको बताए । 

कार्यक्रमका प्रमुख अतिथिका रुपमा नेपाल विद्युत् व्यवसायी महासंघ कार्यवाहक अध्यक्ष गोपाल अग्रवाल रहेका थिए ।