काठमाडौँ — वैदेशिक रोजगार विभागले विदेश जाने श्रमिकलाई ठगी गर्ने ३५२ जना एजेन्टको नामावली शुक्रबार सार्वजनिक गरेको छ ।

विभागले पीडितले आफू ठगिएको भन्दै उजुरी दिएको आधारमा रकम असुल गर्ने एजेन्टको नाम सार्वजनिक गरेको हो । विभागले गत फागुन १७ देखि चैत १७ सम्म उजुरी परेको एजेन्टको नामावली सार्वजिनक गरेको हो । उनीहरुले युरोप, खाडी क्षेत्र, मलेसियालगायत देशमा रोजगारीमा पठाइदिने भन्दै रकम उठाएका थिए । 

विभागले उनीहरुविरुद्ध वैदेशिक रोजगार न्यायाधीकरणमा मुद्दा दर्ता गर्ने प्रक्रिया अगाडि बढाएको छ ।