काठमाडौं — सरकारले संघीय संसद्को अधिवेशन बोलाउने तयारी गरेको छ । संसद् सचिवालय स्रोतका अनुसार आज बस्ने मन्त्रीपरिषद् बैठकले संघीय संसद्को दुवै सदनको बैठक बोलाउन सिफारिस गर्ने तयारी गरेको हो ।

२१ फागुनमा भएको प्रतिनिधिसभा सदस्य निर्वाचनपछि पहिलोपटक प्रतिनिधिसभा अधिवेशन बोलाउन लागिएको हो । सरकारले राष्ट्रपति रामचन्द्र पौडेलसमक्ष दुवै सदनको बैठक बोलाउन सिफारिस गर्ने तयारी गरेको हो । संसद् सचिवालयले १९ चैतमा संसदको पहिलो बैठक बोलाउन प्रस्ताव गरेको छ ।  

संसद् सचिवालयका एक उच्च पदस्थ कर्मचारीका अनुसार सरकारको सल्लाह मै उक्त मिति सिफारिस गरेको हो । यो अधिवेशनले सभामुख र उपसभामुखको चयन गर्नेछ । प्रधानमन्त्री वालेन्द्र शाहले आजै मन्त्रीपरिषद्को बैठक बोलाएका छन् ।