मन्त्री साहले राष्ट्रिय व्यावसायिक प्रशिक्षण प्रतिष्ठानको सीप विकास तालिमसम्बन्धी पाँचवर्षे रणनीतिक योजना २०८३-८८लाई समीक्षा गरी एक महिनाभित्र अन्तिम रूप दिने निर्णय गरेका हुन् ।
काठमाडौँ —
श्रम, रोजगार तथा सामाजिक सुरक्षामन्त्री दीपककुमार साहले राष्ट्रिय व्यावसायिक प्रशिक्षण प्रतिष्ठानबाट सीपयुक्त जनशक्ति निर्माण गर्न एक महिनाभित्र रणनीतिक योजना निर्माण गर्ने निर्णयमा हस्ताक्षर गरेका छन् ।
उनले प्रतिष्ठानको सीप विकास तालिमसम्बन्धी पाँचवर्षे रणनीतिक योजना २०८३-८८लाई समीक्षा गरी एक महिनाभित्र अन्तिम रूप दिने निर्णय गरेका हुन् । प्रतिष्ठान नयाँ संरचनामा गएकोले उसको लक्ष्यअनुसार यो योजना बनाउन अगाडि बढाएको मन्त्री साहको भनाइ छ ।
