काठमाडौँ — राहदानी सेवा एक सातादेखि तीन सातासम्म बन्द हुने भएको छ। राहदानी विभागले आफ्नो सेवा एक सातादेखि तीन सातासम्म बन्द हुने जनाएको छ ।

विभागले सूचना जारी गर्दै त्रिपुरेश्वरस्थित विभागबाटै प्रदान गरिने राहदानी सेवा करिब एक सातासम्म बन्द हुने जनाएको हो । 

जिल्ला र इलाका प्रशासन तथा विदेशस्थित नेपाली नियोगबाट दिने राहदानी सेवा भने १ देखि तीन सातासम्म बन्द हुने सूचनामा उल्लेख छ ।

विभागले राहदानी खरिदका लागि नयाँ आपूर्तिकर्तासँग सम्झौता गरी नयाँ प्रणालीमार्फत राहदानी जारी गर्न राहदानी प्रणाली, राहदानी पुस्तिकालगायतको आवश्यक तयारी गरिसकेको जनाएको छ । अबको एक/दुई महिनाभित्र हालको प्रणालीबाट नयाँ प्रणालीमा बदली हुने र उक्त अन्तरिम अवस्थामा प्रणाली  स्थिरीकरण नभएसम्मका लागि राहदानी सेवा अवरुद्ध हुन सक्ने बताइएको छ ।