काठमाडौँ — भारतीय विदेश मन्त्रालयले आगामी दिनमा नेपालसँगको सम्बन्ध अझै सुदृढ र प्रगाढ हुने अपेक्षा रहेको जनाएको छ । बिहीबार नयाँदिल्लीमा साप्ताहिक मिडिया ब्रिफिङका क्रममा विदेश मन्त्रालयका प्रवक्ता रणधीर जयसवालले आगामी दिनमा द्विदेशीय सम्बन्ध अझै गतिशील हुने बताएका हुन् । 

प्रवक्ता जयसवालले ब्रिफिङका क्रममा भने,  'यहाँहरूलाई थाहा नै छ भारत र नेपालबीच एक अद्वितीय र बहुआयामिक साझेदारी तथा सम्बन्ध रहेको छ र आगामी दिन तथा वर्षहरूमा यो गतिशीलता अझ सुदृढ र प्रगाढ हुँदै जाने हामीले अपेक्षा गरेका छौँ ।'

साथै प्रवक्ता जयसवालले भारतीय प्रधानमन्त्री मोदीले रास्वपा सभापति रवि लामिछाने र वरिष्ठ नेता बालेन्द्र शाहसँग गरेको टेलिफोन वार्ताबारे पनि जानकारी गराए ।