कारमा सवार ५ मध्ये ४ जना घाइतेका भएका छन् ।
काठमाडौँ — भक्तपुरको चाँगुनारायण नगरापलिका-८ वन कार्यालयस्थित बागेश्वरी भवनको अगाडी कार दुर्घटना भएको छ । नगरकोटबाट भक्तपुरतर्फ आउँदै गरेको उक्त कार सडकबाट करिब २ सय मिटर तल खसेको प्रहरीको भनाइ छ । कारमा सवार ५ जनामध्ये ४ जना घाइतेका भएका छन् ।
सो दुर्घटना लगत्तै सशस्त्र प्रहरी बल नेपाल निर्वाचन क्षेत्र नम्बर १ को स्ट्राइकिङ टोली उद्धारमा खटिएको छ । उद्धारपश्चात घाइतेहरूलाई उपचारको लागि जिल्ला अस्पताल भक्तपुरतर्फ पठाइएको सशस्त्र प्रहरीका सहप्रवक्ता डिएसपी शैलेन्द्र थापाले बताए ।
