काठमाडौँ — कांग्रेस सभापति गगन थापाले उत्तेजना र घृणाको राजनीतिकले कहिँ नपुगिने बताएका छन् । कांग्रेसको काठमाडौं केन्द्रित कीर्तिपुरको सभालाई आइतबार सम्बोधन गर्दै ५ वर्ष कांग्रेसले सुझबुझका साथ मुलुक चलाउन खोजेको समेत बताए ।

‘अरु सबै पार्टी झुर, हाम्रो पार्टी मात्रै खतरा भन्ने छ । यो उत्तेजना, घृणाको राजनीतिले कहिँ पुगिँदैन्’ उनले भने, ‘देशलाई सम्हाल्न घृणा र उत्तेजनाको भाषाले हुँदैन । पाँच वर्षमा देशलाई अघि बढाउन मलाई टिम चाहिन्छ । कांग्रेसले ५ वर्षको समय खेर फाल्दैनौं । मुलुकलाई कानुनी शासनको आधारमा टुंगोमा पुर्‍याउन सकिन्छ ।’

उनले कांग्रेसले आगामी दिनमा युवाहरू गोलीबाट मर्न नदिने, मुकुण्डो लगाएर सिंहदरबार जलाउन नपाउने अवस्था चाहेको बताए । 

कीर्तिपुरको डाँडामा बसेर आएटीको काम गरेर २ लाख कमाउन सक्ने आफूले भनेपछि त्यो यथार्थमा बदलिँदै गएको बताए । ‘नेताको काम सपना देख्नु हो । कीर्तिपुरको डाँडाको कुरा गरेपछि युवा साथीहरू आए, तपाइले भनेभन्दा धेरै कमाइरहेको बताए’ उनले भने, ‘त्यसपछि हामीले आइटीको क्षेत्रमा गर्न सकिने कानुनको मस्यौदा बनाऔं ।’