काठमाडौँ — जेन-जी घटनामा जाँचबुझ गर्न गठन भएको समितिले तत्कालीन गृहसचिव गोकर्णमणि दुवाडीसँग आज बयान लिने भएको छ। जेन-जी आन्दोलनका बेला गृहसचिव रहेका दुवाडीलाई अन्तरिम सरकारले असोज ७ गते राष्ट्रिय योजना आयोगमा सरुवा गरेको थियो ।

गृहसचिवको जिम्मेवारी रामेश्वर दंगालले पाएका थिए । आयोगले २३ र २४ भदौमा उनी गृह मन्त्रालयको जिम्मेवारीमा भएकाले तत्कालीन समयमा भएका घटना र पहलसहितका विषयमा बयान लिन लागेको हो ।

यसअघि जाँचबुझ समितिले दुवाडीलाई पनि जाँचबुझ आयोगले विदेश जानसहित स्थानीय रूपमा पनि स्थानहद लगाएको थियो। तर उनले आफू योजना निर्माणमा उपत्यका बाहिर जानु पर्ने भनी निवेदन दिएपछि हटाइएको थियो । 

जेन-जी आन्दोलनमा दमन गर्न दुवाडीको पनि भूमिका रहेको भन्दै उनलाई पनि आयोगले सुरुमै कडाइ गरेको हो। आज दुवाडीसँग बयान लिएपछि आयोगले वर्तमान प्रहरी महानिरीक्षक दानबहादुर कार्कीलाई बोलाउने  तयारी गरेको छ।