‘हामी वाम एकताको पक्षमा हो । तर, ती वाम पार्टीहरू नेतृत्व पुनर्गठन, रूपान्तरण र एकता हो,’ उनले थपिन्, ‘हामीले सबै वाम पार्टीहरूसँग एकता खोजेको हो ।’ उनले एमालेलाई दक्षिणपन्थी भनेर क्षणिक न्यानो मानेको पनि बताएकी छन् । ‘यहाँ एमालेलाई दक्षिणपन्थी बिल्ला भिराएर पिसाबको न्यानो महसुस गरेजस्तो गरेका छन्,’ उनले भनाइ थियो । 

उनले वाममोर्चा बनाएर जानु उचित हुने बताएकी छन् । ‘हामीहरू वाममोर्चा बनाएर पनि जान सक्छौं । हाम्रो राजनीतिक भविष्यमा प्राविधिक बहुमतको डण्डा नलगाउनु होला,’ उनको भनाइ छ, ‘पार्टी पुनर्गठन अनिवार्य सर्त हो । जसले वामपन्थी एकता र रूपान्तरण हो ।’

माओवादीसँग एकता गरेर पार्टी विद्रोहको औचित्य पुष्टि नहुने उनको भनाइ छ । ‘पार्टी विद्रोहको औचित्य कसरी पुष्टि भयो भन्न सकिन्छ ?' उनले प्रश्न गरिन्, ‘एकता कुनै व्यक्ति केन्द्रित र व्यक्तिको आवश्यकतामा हुने हो र ? २०७७ मा तत्कालीन प्रधानमन्त्री ओलीले संविधान मासे, हामीले विद्रोह गरेर संविधान जोगायौं भन्ने नैतिक धरातल के होला ?’