गृह मन्त्रालयको शान्ति सुरक्षा तथा अपराध नियन्त्रण शाखाबाट बिहीबार (कात्तिक १३ गते) जारी पत्रमार्फत प्रदर्शनका क्रममा ठूलो जनसम्पर्क हानि भएको र त्यस्तो अवस्थाले निजी क्षेत्रका व्यवसायमा समेत असर पुर्याउन सक्ने सम्भावना रहेकाले सुरक्षात्मक वातावरण तयार गर्न निर्देशन दिइएको हो ।
काठमाडौँ — हालै जेन–जी पुस्ताद्वारा भएका प्रदर्शनका कारण सार्वजनिक सम्पत्तिसँगै निजी क्षेत्रका उद्योग व्यवसायमा समेत नोक्सानी भएको छ । सो विषयमा गृह मन्त्रालयले सबै जिल्लाका प्रमुख जिल्ला अधिकारीहरूलाई आवश्यक तयारी गर्न निर्देशन दिएको छ ।
गृह मन्त्रालयको शान्ति सुरक्षा तथा अपराध नियन्त्रण शाखाबाट बिहीबार (कात्तिक १३ गते) जारी पत्रमार्फत प्रदर्शनका क्रममा ठूलो जनसम्पर्क हानि भएको र त्यस्तो अवस्थाले निजी क्षेत्रका व्यवसायमा समेत असर पुर्याउन सक्ने सम्भावना रहेकाले सुरक्षात्मक वातावरण तयार गर्न निर्देशन दिइएको हो ।
पत्रमा जिल्लास्तरीय उद्योग वाणिज्य संघलगायतका व्यावसायिक संगठनहरूलाई सहभागी गराई जिल्ला सुरक्षा समितिको संयोजनमा बैठक गरी आवश्यक व्यवस्था मिलाउन आग्रह गरिएको छ ।
पत्रमा भनिएको छ, 'सार्वजनिक तथा निजी क्षेत्रका सम्पत्तिमा हानि नोक्सानी हुन नदिन सुरक्षात्मक वातावरण तयार गरी सम्बन्धित निकायको सहभागितामा बैठक राखी आवश्यक कदम चाल्न अनुरोध गरिन्छ ।'
