आजै महाधिवेशनको मिति र अन्य निर्णय गरी बैठक सकिने कार्यक्रम छ ।
काठमाडौँ — माओवादी केन्द्रीय समितिको सातौं पूर्ण बैठक आज दोस्रो दिन पनि आज प्रज्ञा भवन, कमलादीमा जारी छ ।
बैठकमा अध्यक्ष पुष्पकमल दाहालद्वारा प्रस्तुत राजनीतिक तथा संगठनात्मक प्रस्ताव, वरिष्ठ उपाध्यक्ष नारायणकाजी श्रेष्ठ र उपमहासचि जनार्दन शर्माका फरक प्रस्तावमाथि विभिन्न १० टोलीका नेताहरूले धारणा राखेका छन् ।
बैठकमा पार्टीका केन्द्रीय पदाधिकारीहरुले धारणा राख्नेक्रम सकिएको छ । बैठकमा आफ्नो छुट्टै प्रस्ताव राख्ने जनार्दन शर्माले १० वटा टोलीका नेताहरूले धारणा र अन्य पदाधिकारीले उठाएका प्रश्नमा आफ्नो धारणा राखेका छन् । त्यसपछि वरिष्ठ उपाध्यक्ष नारायणकाजी श्रेष्ठले पनि १० वटा टोलीका नेताहरूले धारणा र अन्य पदाधिकारीले उठाएका प्रश्नमा धारणा राख्ने कार्यक्रम छ । त्यसपछि अध्यक्ष दाहालले जवाफ दिनेछन् ।
आजै महाधिवेशनको मिति र अन्य निर्णय गरी बैठक सकिनेछ ।
