जेनजी आन्दोलनकारीमाथि भएको सरकारी दमनको विरोध गर्दै सांसद पदबाटद राजीनामा गर्ने श्रेष्ठको घोषणा
काठमाडौँ — रास्वपाकी सांसद सुमना श्रेष्ठले सांसद पदबाट राजीनामा दिने घोषणा गरेकी छन् । संसद् सरकारको छाया मात्रै भएको भन्दै सांसद पदबाट राजीनामा गर्ने श्रेष्ठले घोषणा गरेकी हुन् ।
जेनजी आन्दोलनकारीमाथि सरकारले दमन गरेको भन्दै श्रेष्ठले पदबाट राजीनामा गर्ने घोषणा गरेकी हुन् ।
'सांसदको काम भनेको सरकारलाई जवाफदेही बनाउने हो । तर सरकारले जवाफदेहिताको सीमा पार गरिसक्यो । यो अवस्थामा नरसंहारकारी सरकारले दिने बिजनेश सम्हाल्ने काममा सीमित भएको संसद्मा सदस्य भएर बस्न नैतिकताले दिएको छैन,' सांसद श्रेष्ठले भनेकी छन्, 'यसैले सांसद पदबाट राजीनामा दिँदैछु । साथै, जेनजीहरूले सर्वदलीय जस्ता भ्रममा नपरी आफ्नो नेतृत्व दाबी गर्नुहोस् । यहि दलहरूसँगै बसेर देशले निकास पाउँदैन ।'
श्रेष्ठसँगै राजीनामा घोषणा गर्ने रास्वपाका सांसदको संख्या ४ पुगेको छ । यसअघि असिम शाह, डा. तोसिमा कार्की र निशा डाँगीले पदबाट राजीनामा दिने घोषणा गरिसकेका छन् ।
