भ्रष्टाचार, बेथिति र अनियमितताविरुद्ध जेन–जीहरूको सोमबारको प्रदर्शनमा घाइते भएकाहरूको विभिन्न अस्पतालमा उपचार भइरहेको छ ।
काठमाडौँ — राष्ट्रिय ट्रमा सेन्टरले आज डिस्चार्ज भएका बिरामीलाई नि:शुल्क घर पुर्याउने भएको छ ।
अस्पतालका प्रमुख मेडिकल सुपरिटेन्डेन्ट डा बद्री रिजालका अनुसार आन्दोलनमा घाइते लगायत अन्य डिस्चार्ज भएका बिरामीहरू निशुल्क घरसम्म पुर्याइने निर्णय गरिएको हो ।
‘कर्फ्युका कारण आज डिस्चार्ज हुने सबै बिरामीलाई नि:शुल्क घरमै पुर्याइदिने निर्णय गरेका छौँ,’ उनले भने ।
भ्रष्टाचार, बेथिति र अनियमितताविरुद्ध जेन–जीहरूको सोमबारको प्रदर्शनमा घाइते भएकाहरूको काठमाडौंको विभिन्न अस्पतालसँगै ट्रमामा पनि उपचार भइरहेको छ । उक्त प्रदर्शनमा १९ जनाले ज्यान गुमाएका छन् ।
