यद्यपि श्रेष्ठलाई चिन्नेहरुले भने उनी पहिलेदेखि नै व्यापारी पृष्ठभूमिको मान्छे भएको बताएका छन् । गोरखा नगरपालिका-६ का श्रेष्ठको परिवारिक पृष्ठभूमि नै व्यावसायिक हो । उनीहरुको गोरखा बजारमा कपडा व्यवसाय थियो । गोरखामा कपडा व्यवसायदेखि पैत्तृक सम्पत्तिले सम्पन्न श्रेष्ठले पहिलेदेखि नै गोरखाका सुन पसलहरुलाई पैसा लिएर सुन दिनेदेखि सुन धरौटीमा लिएर पैसा लगानी गर्ने गरेका थिए । 

गोरखाको घर र जमिनहरु बेचेर उनले काठमाडौंमा पनि सुन राखेर पैसा लगानी गर्नेदेखि पैसा ब्याजमा लगाउने काम गर्दै आएको उनलाई चिन्नेहरु बताउँछन् । उनका तीन छोरा छन्, उनीहरु पनि व्यवसायमा छन् ।

एसपी बोहराका अनुसार उनलाई स्रोत नखुलेको अकुत सम्पत्ति र अवैध तरिकाबाट राखेको विषयमा अनुसन्धान गरेर मुद्दा चलाइने छ ।