प्रधानमन्त्री ओली शाङ्घाई सहयोग संगठनको सम्मेलनमा सहभागी हुन चीनको यात्रा गरेका छन्, जहाँ तियानजिन सहरमा बैठक हुँदैछ।
काठमाडौँ — प्रधानमन्त्री केपी शर्मा ओली र चीनका राष्ट्रपति सी चिनफिङबीच शनिबार भेटवार्ता भएको छ । प्रधानमन्त्रीको निजी सचिवालयले दिएको जानकारी अनुसार तियानजिनको अतिथि गृहमा दुई नेताबीच भेटवार्ता भएको हो ।
प्रधानमन्त्री ओली शनिबार बिहान चीनका लागि प्रस्थान गरेका थिए । तियानजिन सहरमा सांघाई सहयोग संगठन (एससीओ) को बैठक हुँदैछ । एससीओ सम्मेलनमै सहभागी हुन चिनियाँ राष्ट्रपतिको निमन्त्रणामा ओली गएका हुन् ।
तियानजिनमा ओर्लिएको केहीबेरमै प्रधानमन्त्री ओली र चिनियाँ राष्ट्रपतिबीच भेटवार्ता भएको हो । स्थानीय समय अनुसार अपराह्न ३ बजेर १५ मिनेटमा ओली तियानजिनको बिनहाइ अन्तर्राष्ट्रिय विमानस्थलमा अवतरण गरेका हुन् ।
तस्बिरहरू : प्रधानमन्त्रीको निजी सचिवालय
