काठमाडौँ — प्रधानमन्त्री केपी शर्मा ओलीले आफू प्रधानमन्त्री पद छाड्न तयार भए पनि कुनै युवा तयार नभएको बताएका छन् । मंगलबार नाडा अटो शो-२०२५ उद्घाटन गर्दै प्रधानमन्त्री ओलीले यस्तो बताएका हुन् । 

'अहिले युवाहरूको समय हो । कतिले भन्लान् खै युवालाई छोडेको, म त छोड्न तयार छु तर कुनै युवा नै तयार छैनन्,' ओलीले भने । अहिले असन्तुष्टि हुनका लागि कुनै ठाउँ नरहेको पनि प्रधानमन्त्री ओलीको भनाइ छ । ' असन्तुष्टि हुने ठाउँ छैन, कसम खाएर नै असन्तुष्टि हुन्छ भने के भन्नु छ र, हाम्रो नीतिहरू स्थिर छ, 'उनले भने । 

मौद्रिक नीतिलगायत सरकारले आफ्ना नीतिगत व्यवस्थामा अपनाइएको तरिकाले सबै क्षेत्रलाई पुग्ने किसिमको रहेको उनले बताए  ।