मन्त्री भण्डारीले श्रमिकको हितलाई ध्यानमा राख्दै ऐनका संशोधनमा सबैको हित हुनेगरी काम गर्ने बताएका छन्।
काठमाडौँ — श्रम, रोजगार तथा सामाजिक सुरक्षामन्त्री रशतसिंह भण्डारीले श्रमिक स्वस्थ भए मुलुक स्वस्थ हुने बताएका छन् । शुक्रबार सिंहदरबारमा आयोजित एक कार्यक्रममा मन्त्री भण्डारीले हरेक श्रमिकको जिम्मेवारी सरकारको भएको बताए ।
‘हरेक श्रमिकको जिम्मेवारी हाम्रो हो । त्यो श्रमीक स्वस्थ भयो भने प्रतिष्ठान पनि स्वस्थ हुन्छ । मुलुक स्वस्थ हुन्छ । हामी सबैले आफ्नो जिम्मेवारी गम्भीरतापूर्वक लिनुपर्छ,’ उनले भने ।
अहिले सरकारले श्रम ऐन संशोधन गर्ने प्रक्रियामा रहेको र विभिन्न ट्रेड युनियन ऐन पनि संशोधन गर्ने मन्त्री भण्डारीले बताए । श्रमिकको हितलाई मध्यनजर गरी सबैको हित हुनेगरी काम गर्ने प्रतिबद्धता उनले जनाएका छन् ।
