काठमाडौँ — विद्यालय शिक्षा विधेयक प्रतिनिधिसभा अन्तर्गतको शिक्षा, स्वास्थ्य तथा सूचना प्रविधि समितिमा विचाराधीन छ । लामो समयदेखि यो विधेयक टुंगो लाग्न सकेको छैन । सरकारका कारणले गर्दा यो विधेयक पारित हुनबाट रोकिएको समितिका सांसदलहरूले बताउन लागेका छन् । 

यसैबीच समिति सभापति अम्मरबहादुर थापाले शिक्षा क्षेत्रमा राजनीति हाबी भएको बताएका छन् । त्यो राजनीति विद्यालय शिक्षा विधेयकमा पनि पसेको उनको भनाइ छ । 

समितिमा विचाराधीन विद्यालय शिक्षा विधेयक 'शिक्षक विधेयक' जस्तो भएको उनको टिप्पणी थियो । 'शिक्षाको अवस्था सुधारका लागि विद्यालय शिक्षा विधेयक अगाडि बढेको छ । अहिले पनि शिक्षक महासंघको अध्यक्ष यही हुनुहुन्छ । उहाँसँग सबै सहमति हुन्छ, अन्त गएपछि के हुन्छ थाहा छैन । उहाँहरूका धेरै मागहरू हामीले सम्बोधन पनि गरिसकेका छौं,' उनले भने, 'शिक्षा विधेयक नै अहिले शिक्षक विधेयक भएको छ । आज हामी शिक्षकहरूई देशभरका विद्यार्थीप्रति उत्तरदायी बनाउन सकियो, शिक्षकका सेवा सुविधा थप्न सकियो भने मात्र विद्यार्थी असल बन्न सक्छ भन्ने हाम्रो समितिको ठहर छ ।’