प्रमुख जिल्ला अधिकारी किरणा थापाले भारतीय मूलका अमेरिका, क्यानडा, आयरल्यान्ड, मलेसिया र सिंगापुरका नागरिकताधारी गैरआवासीय भारतीयहरू तातोपानी भएर फर्किएको जानकारी दिए। ‘बाह्रबिसे–कोदारी सडक जीर्ण भएको कारण अधिकांश यात्रुहरू हेलिकप्टरमार्फत काठमाडौं पुर्‍याइएको हो,’ उनले भने। चिनियाँ अध्यागमनको सूचनाअनुसार अझै ठूलो संख्यामा तीर्थयात्री तातोपानी नाका हुँदै फर्कन बाँकी छन्।

राजस्व बढ्ने अनुमान

उता भोटेकोसी बाढीको चपेटामा परेर रसुवा नाका बन्द भएकाले सबै कन्टेनर तातोपानी हुँदै आउनेक्रम बढेको छ। तातोपानी सुक्खा बन्दरगाहका राजेन्द्रप्रसाद चुडालका अनुसार रसुवा नाका बन्द भएपछि सबै सामान तातोपानी भएर आउँदै छन्। सडक नियमित भए वार्षिक लक्ष्य सहजै पूरा हुने उनले बताए।

‘वार्षिक २१ अर्ब राजस्व संकलनको लक्ष्य राखिएको तातोपानी भन्सारले हालसम्म करिब १९ अर्ब राजस्व संकलन गरिसकेको छ,’ उनले भने। यसअघि कोदारी सडकको जीर्ण अवस्था र प्राकृतिक विपत्तिका कारण तीन महिना राजस्व संकलन प्रभावित भएको काफ्लेले जानकारी दिए।