काठमाडौँ — प्रधानमन्त्री केपी शर्मा ओलीसहितको टोली रसुवाको बाढी पहिरो ग्रस्त क्षेत्रको अवलोकनका लागि जाने भएको छ।
सोमबार राति आएको बाढी र पहिरोका कारण पुगेको क्षतिको अवलोकनका लागि प्रधानमन्त्रीसहित उपप्रधानमन्त्री एवं अर्थमन्त्री विष्णुप्रसाद पौडेल र गृहमन्त्री रमेश लेखक पनि अवलोकनका लागि जान लागेका हुन् ।
बाढीग्रस्त क्षेत्रमा गई प्रत्यक्ष अवलोकनपछि सरकारले आवश्यक निर्णय लिने गृहमन्त्री लेखकले बताए। उनले रसुवामा ठूलो विपद् आएको बताउँदै भने, ‘रसुवामा ठूलो डिजास्टर भएको छ। हामी जान लागेका छौँ। त्यहाँ गई हेरेपछि आवश्यक निर्णय गर्नेछौँ।’
बाढीग्रस्त क्षेत्रमा तीनै वटै सुरक्षा निकायका प्रमुख पनि जाने बताइएको छ।
