उनले प्रस्तुत गरेको दोस्रो विकल्पमा पहिलो हुने दललाई सामान्य बहुमत नपुगेको स्थितिमा  'विनर्स टेक अल' (जित्नेले सबै लग्ने ) सिद्धान्त बमोजिम निर्वाचन अघि नै आयोगमा बुझाइएका बिज्ञहरूको नामबाट अपुग सिट पहिलो दलले प्राप्त गर्ने रहेको छ । 

शर्माले तेस्रो विकल्पमा पहिलो दलले संसदीय दलबाट चयन गरेको सांसद संसदीय दलको नेता हुँदै नेपालको प्रधानमन्त्री बन्ने,  प्रधानमन्त्रीले मन्त्रिपरिषद्‌मा निश्चित संख्यामा विज्ञहरू सोझै सरिक गराउन सक्ने विषय उल्लेख छ । 

चौथो बुँदामा त्यसरी बनेको प्रधानमन्त्रीले शपथ ग्रहण गरेको मितिले १० दिनभित्र संसदमा विश्वासको मत लिने,  दुईवर्ष पुगेपछि त्यसको १ महिनाभित्र पुन विश्वासको मत लिने,  पछिल्लो पटक विश्वासको मत लिँदा दुईवर्षे कामको निश्चित आर्थिक, सामाजिक सुचकहरूका आधारमा मात्रै विश्वासको मत पाउने / नपाउने टुंगो लाग्ने र  विश्वासको मत पुनः प्राप्त गरेको अवस्थामा प्रधानमन्त्रीले बाँकी अवधि देशको नेतृत्व गर्ने व्यवस्था राख्नुपर्ने उनले उल्लेख गरेका छन् ।

अन्तिम तथा पाँचौ बुँदामा प्रधानमन्त्री पदमा कुनैपनि व्यक्ति दुई पटक मात्रै बन्न सक्ने प्रस्ताव उनले अघि सारेका छन् ।