काठमाडौँ — इरानको मसहदस्थित अन्तर्राष्ट्रिय विमानस्थलमा रोकिएका थप ७ जना नेपालीको बुधबार उद्धार भएको छ । अध्यागमन प्रशासनले एक्जिट परमिट (इरान छोड्न चाहिने अनुमति पत्र) नभएको भन्दै मंगबार फर्काएको थियो ।
यसअघि दुई जना नेपालीलाई मात्रै उद्धार गरिएको थियो । उनीहरु दिल्लीबाट बुटवल जाने तयारी गरेका छन् ।
भारतीय दूतावासले ७ जना नेपालीलाई मसहद विमानस्थलबाट उद्धार गरिएको हो । उद्धार गरिएको बुटवलका विष्णुप्रसाद भुसालका अनुसार बिहीबार चार बजे दिल्लीबाट बसबाट सिधै बुटवल जाने बताए ।
बुधबार दिल्ली आइपुग्नेमा उयदपुरकी गायत्री कार्की थापा, उनकी छोरा उत्सव थापा, विष्णुप्रसाद भुसाल, बुद्धि भुसाल, सागर पौडेल, यज्ञ मरासिनी र राजु खनाल छन् ।
भारतीय दूतावासमा कार्यरत हरि थापालाई दूतावासले डिउटीमै खटिएका छन् भने विष्णुप्रसाद बन्जाडेसँग राहदानी नभएकोले रोकिएका छन् ।
