काठमाडौँ — रवि लामिछानेविरुद्ध पर्सा जिल्ला अदालतमा अभियोगपत्र दर्ता, त्रिवि उपकुलपति, रेक्टर, रजिस्ट्रार र सेवा आयोगमा आंशिक प्राध्यापकको तालाबन्दी, ११ महिनामा १० खर्ब २७ अर्ब राजस्व संकलनदेखि साफ महिला च्याम्पियनसिपका लागि खेलाडी छनोटसम्मका खबर आज चर्चामा रहे ।

0000

जिल्ला सरकारी वकिलको कार्यालय, पर्साले ११ करोड ५६ लाख ९४ हजार रुपैयाँ बिगो मागदाबीसहित राष्ट्रिय स्वतन्त्र पार्टीका सभापति रवि लामिछानेविरुद्ध पर्सा जिल्ला अदालतमा मुद्दा दर्ता गरेको छ । लामिछानेविरुद्ध जेठ ३० गते सहकारी ठगी तथा संगठित अपराध मुद्दाको अभियोगपत्र जिल्ला अदालतमा दर्ता गरिएको हो । 

0000

त्रिभुवन विश्वविद्यालयमा सत्तारुढ कांग्रेसको विद्यार्थी संगठन नेविसंघले १९ दिनदेखि गरेको तालाबन्दी जारी रहँदा आंशिक प्राध्यापकले पुनः तालाबन्दी गरेका छन् । त्रिवि उपकुलपति, रेक्टर, रजिस्ट्रार र सेवा आयोगमा तालाबन्दी गरिएको हो । 

0000

चालू आर्थिक वर्षको ११ महिनामा १० खर्ब २७ अर्ब रुपैयाँ राजस्व संकलन भएको छ । अर्थ मन्त्रालयका अनुसार २०८२ साल असार ३१ गतेसम्म संकलित राजस्व गत वर्षको सोही अवधिको भन्दा ८८ अर्ब रुपैयाँ बढी हो । 

0000

उत्तराखण्डको रुद्रप्रयाग जिल्लामा आइतबार बिहान भएको हेलिकप्टर दुर्घटनामा सवार सात जनाकै मृत्यु भएको छ । हेलिकप्टरमा चालकसहित ६ जना वयस्क र एक शिशु सवार थिए । अचानक मौसममा खराबी आएका कारण हेलिकप्टर दुर्घटनामा परेको बताइएको छ ।