काठमाडौँ — माओवादी अध्यक्ष एवं पूर्वप्रधानमन्त्री पुष्पकमल दाहालले सत्तारुढ दलसँगको सहमतिमा रास्वपा छुटे पनि आफूहरूबीच आरोप-प्रत्यारोप नहुने बताएका छन् । शुक्रबार दिउँसो सञ्चारकर्मीहरूसँगको संक्षिप्तक कुराकानीमा अध्यक्ष दाहालले मूलभूत विषयमा रास्वपासँग फरक मत नभएकव बताएका हुन् । 

सदन चल्ने जानकारी दिँदै दाहालले भने, 'रास्वपासँग मूलभूत विषयमा केही फरक मत छैन । उहाँहरूका केही अडानका कारणले उहाँहरू केही समय आफ्नो ढंगले जानुहुन्छ । तर हाम्रो बीचमा विमति र आरोप प्रत्यारोप हुँदैन ।'

शुक्रबार दिउँसो भिजिट भिसा प्रकरणलाई लिएर अवरुद्ध संसद् खोल्नेबारे सत्तारुढ दलहरू एमाले-कांग्रेस र प्रमुख प्रतिपक्षी माओवादीबीच दुई बुँदे सहमति भएको छ । माओवादी उपमहासचिव वर्षमान पुनका अनुसार भिजिट भिसा प्रकरणको छानबिन र अध्ययन गर्न उपयुक्त संयन्त्र गठन गर्ने गरि दुई बुँदे सहमति भएको हो ।