काठमाडौँ — संखुवासभा माओवादी केन्द्रका उपमहासचिव तथा कोशी प्रदेश इन्चार्ज हरिबोल गजुरेलले आगामी निर्वाचनमा २०६४ कै जनमतमा फर्किने बताएका छन् । ०८४ को निर्वाचनमा ०६४ कै जनमत हुने उनले दाबी गरे ।
शनिबार सदरमुकाम खाँदबारीमा माओवादी केन्द्रको आठौँ विस्तारित बैठकमा सम्बोधन गर्दै उनले हुलाकी राजमार्ग र मध्य पहाडी राजमार्ग अभियानमा माओवादीप्रति जनताको उत्साह रहेको बताए ।
माओवादीले हिजोको दिनमा गल्ती गरेका कारण केही सिट संख्या घटेको बताए । माओवादी केन्द्र जनताका समस्या सुन्ने र संगठन बलियो बनाउनमा केन्द्रित बनेको बताए ।
पछिल्लो राजनीतिक घटनाले माओवादीप्रति जनताको उत्साह बढेको उनको भनाइ थियो । राजनीतिमा अहिले हरेक स्थानमा चुनौती रहेको बताए ।
