काठमाडौँ — नेपाल सरकारले हिमाल बचाउने सन्देशसहित ‘सगरमाथा संवाद २०२५’ आह्वानपत्र सार्वजनिक गरेको छ । सगरमाथा संवादको अन्तिम दिन आइबार परराष्ट्रमन्त्री आरजु राणा देउवाले उक्त आह्वानपत्र सार्वजनिक गरेकी हुन् । 

‘तीन दिने कार्यक्रम हामीले सफलतापूर्वक सम्पन्न गरेका छौं,’ उनले भनिन्, ‘हामीले कार्यक्रमको मुख्य थिममा आयोजना गरेको जलवायु परिवर्तन, पवर्त र मावन भविष्यमाथि महत्त्वपूर्ण बहस र छलफल सम्पन्न गरेका छौं ।’ यस संवादले जलवायु परिवर्तनले गर्दा हिमालमा बढ्दै गरेको जोखिम देखाउन सफल भएको र नेपालले उठाउन खोजेको विषय सफलतापूर्वक उठान गरेको उनको भनाइ छ । 

‘संवादमार्फत सहभागीले मानव भविष्यलाई सुरक्षित गर्ने प्रतिबद्धतामा सबै सहमति हुनुभएको छ,’ मन्त्री राणाले भनिन्, ‘यसमा सबैलाई धन्यवाद भन्न चाहन्छु ।’