सुरक्षा संयन्त्रलाई आवश्यक परे जनशक्ति थप्न निर्देशन दिइएको उल्लेख गर्दै उनले भने, 'तर परिणाम देखिनुपर्छ।'

राजस्व वृद्धिका लागि पनि तस्करी पूर्ण रूपमा रोक्नुपर्ने धारणा उनले राखे ।

प्रदेश प्रहरीको समायोजनबारे बोल्दै गृहमन्त्री लेखकले कानुनी र नीतिगत व्यवस्था पूर्ण भएपछि मात्र समायोजन अघि बढाइने जानकारी दिए। 'अहिले ७० वर्ष पुरानो ऐन र नियमावलीका भरमा संगठन चलिरहेको छ,' उनले थपे, 'नेपाल प्रहरी ऐन २०१२ अनुसार प्रदेशमा प्रहरी संगठन रहने व्यवस्था गरिएको छ।'

प्रदेशसँग समन्वय गर्दै प्रहरीले काम गर्नुपर्नेमा जोड दिँदै जिल्लागत शान्ति सुरक्षाको अवस्था मूल्यांकन गरेर आगामी रणनीति तय गरिने उनले जानकारी दिए ।

गृहमन्त्री लेखकले पूर्वी नेपालमा लागू पदार्थ दुर्व्यसन, सडक दुर्घटना, आत्महत्या, साइबर अपराध तथा धार्मिक–जातीय द्वन्द्व प्रमुख चुनौतीका रूपमा रहेको बताए ।