जनकपुरधाम — विष सेवनपछि उपचारका लागि अस्पताल पुर्याइएकी धनुषाको सहीदनगर नगरपालिका-५ की पविता कुमारी साहको पनि मृत्यु भएको छ । उनको शुक्रबार बिहान उपचारकै क्रममा रामजानकी अस्पतालमा मृत्यु भएको हो ।
उपचारकै क्रममा शुक्रबार बिहान पविताको मृत्यु भएको अस्पतालका सञ्चालक मिथलेश साहले जानकारी दिए ।
उनका अनुसार पविताले विष सेवन गरेपछि शल्यक्रिया गरेर निकालिएका शिशुको स्वास्थ्य अवस्था भने सामान्य छ। गएको सोमबार पवितासहित उनका एक छोरा र दुई छोरीलाई विष सेवनपछि उपचारका लागि अस्पताल ल्याइएको थियो।
सोही दिन उनका ६ वर्षीय छोरा आदित्य साह, ४ वर्षीया छोरी आकृति साह र २ वर्षीया आरुसी साहको मृत्यु भयो। पवितालाई भने भेन्टिलेटरमा राखेर उपचार थालिएको थियो।
