काठमाडौँ — आज पनि काठमाडौँ उपत्यकाको प्रदूषण घटेको छैन। आज देशका पहाडी भूभागमा आंशिक बदली हुने छ भने बाँकी क्षेत्रहरूको मौसम सफा रहने छ।
जल तथा मौसम विज्ञान विभाग, मौसम पूर्वानुमान महाशाखाका अनुसार आज दिउँसो देशको पहाडी भू–भागमा आंशिक बदली रही बाँकी भू–भागमा मौसम मूख्यतया सफा रहनेछ । कोशी, बागमती, गण्डकी र कर्णाली प्रदेशका उच्च पहाडी तथा हिमाली भू–भागका एक–दुई स्थानमा हल्का वर्षा/हिमपातको सम्भावना रहेको छ ।
आज राति कोशी र गण्डकी प्रदेशको पहाडी भू–भागमा आंशिक बदली रही बाँकी भू–भागमा मौसम मूख्यतया सफा रहने महाशाखाले जनाएको छ ।
काठमाडौँ उपत्यकामा भने बिहानै देखि प्रदूषित तुवाँलोले ढाकेको छ।
