काठमाडौँ — राजावादीद्वारा शुक्रबार गरिएको हिंसात्मक प्रदर्शनमा संलग्न व्यक्तिहरूको पहिचान तथा अनुसन्धानका लागि नेपाल प्रहरीले सर्वसाधारणसँग सूचना उपलब्ध गराउन अनुरोध गरेको छ ।

प्रहरीले घटनामा संलग्न व्यक्तिहरूको पहिचान तथा प्रमाण संकलनका लागि नागरिकसाग भएको तथ्यपरका सूचना फोटो, भिडियो वा कुनै पनि प्रमाण उपलब्ध गराउन आग्रह गरेको हो ।

प्रहरीका अनुसार प्राप्त सूचना तथा सूचनाकर्ताको गोपनीयता सुरक्षित राखिने छ। प्रक्राउ परेकाहरु माथि प्रहरीले आज अदालतबाट म्याद थप अनुमति लिएर अनुसन्धान बढाउदै छ । 

‘व्यक्ति हत्या, ज्यान मार्ने उद्योग, कर्तव्य ज्यान मुद्दा, चोरी/डकैती, लुटपाट, आगजनी र राजद्रोहको मुद्दामध्ये के आकर्षित हुन्छ भनेर अनुसन्धान हुँदै छ,’ प्रवक्ता नायब महानिरीक्षक दिनेशकुमार आचार्यले भने, ‘जानीबुझी नै निजी तथा सरकारी सम्पत्तिको तोडफोड भएका छन । दुई जनाको ज्यान गएको छ । घटनामा संलग्नमाथि अनुसन्धान गरेर त्यस अनुरूप मुद्दा अघि बढाउँछौँ । सबै माथि अनुसन्धान हुन्छ । तपाईंसबैले सहयोग गरौं ।’ 

दुई जनाको ज्यान जाने गरी भएको राजावादीहरूको हिंसात्मक प्रदर्शनका क्रममा ५५ प्रहरी, २२ सशस्त्र प्रहरी र ५१ जना प्रदर्शनकारीसहित १ सय २८ जना घाइते भएका थिए । प्रहरी परिसर काठमाडौंले हिंसात्मक प्रदर्शनमा निजी तथा सरकारी गरी १८ वटा भवन तोडफोड र आगजनी गरिएको जनाएको छ । जसमा तीनकुने, कोटेश्वर, नरेफााट, सुविधानगर, जडीबुटी, सुविधानगर, आलोकनगर र गौरीगाउा क्षेत्रका गरी साढे तीन दर्जन बढी पसल, संघसंस्था र कार्यालयमा क्षति पुगेको प्रहरीले जनाएको छ । राजावादी प्रदर्शनकारीले कोटेश्वरस्थित भाटभटेनीमा तोडफोड तथा लुटपाट गर्नुका साथै विभिन्न १२ स्थानमा आगजनी गरेको प्रहरीले जनाएको छ ।