काठमाडौँ — राजावादी प्रदर्शनकारीले कोटेश्वरस्थित जडीबुटी उत्पादन तथा प्रशोधन कम्पनी लिमिटेडको कार्यालयमा गरेको आगजनी नियन्त्रणबाहिर गएको छ ।
महानगरका नगरप्रहरी उपरीक्षक विष्णुप्रसाद जोशीले दुई वटा दमकलले जडिबुटी कम्पनीमा लागेको नियन्त्रण गर्न नसकेपछि थप दमकल बोलाइएको बताए ।
‘आगो नियन्त्रणमा आएको छैन । ट्यांकर थप गरेका छौं,’ उनले भने, ‘सुरुमा दुई वटा लगेको ट्यांकरको पानी सकेर त्यसलाई पानी भर्न लगेका छौं । यसबाहेक भक्तपुर र ललितपुरबाट पनि दमकल बोलाएका छौं ।’
महानगरसँग छ वटा दमकल छ । एक दमकल तीनकुनेस्थित निजी घरमा राजावादी प्रदर्शनकारीले तोडफोड गरेका छन् । बाँकी पाँच वटा दमकलमध्ये एउटा बालाजुमा लागेको आगो निभाउन प्रयोग गरिएको छ भने चार वटै दमकल जडिबुटी लगायत अन्य स्थानमा लागेको आगो निभाउन प्रयोग गरिएको उनले बताए ।
