धनगढी — कैलालीमा घरभित्र आमाछोरी मृत फेला परेका छन् । गोदावरी नगरपालिका–११ की २४ वर्षीया मिरा कामी र उनकी दुई वर्षीया छोरी प्रिन्सी बिहीबार साँझ ७ बजेतिर घरमै मृत फेला परेका हुन् ।
अत्तरियास्थित इलाका प्रहरी कार्यालय मालाखेतीका अनुसार उनीहरु दुवै जनाको मृत्युको कारण खुलेको छैन ।
मिराका श्रीमान् र ससुरा मजदुरीका लागि भारतमा छन् । घरमा सासू, १२/२३ वर्षका देवर मात्र छन् ।
दुवै जनाको शव पोष्टमार्टमका लागि सेती प्रादेशिक अस्पतालमा पुर्याइएको छ । घटनाबारे अनुसन्धान भइरहेको प्रहरीले जनाएको छ ।
