प्रसाईंलाई संगठित अपराधको मुद्दामा पनि प्रहरीले अनुसन्धान गरिरहेकाले उनी प्रहरी हिरासत बाहिर भने आउने छैनन्
काठमाडौँ — विवादास्पद व्यापारी दुर्गा प्रसाईंलाई साइबर अपराधको मुद्दामा धरौटीमा छोड्न आदेश भएको छ । काठमाडौं जिल्ला अदालतका न्यायाधीश विष्णुप्रसाद अवस्थीको इजलासले प्रसाईंलाई धरौटीमा छोड्न आदेश दिएको काठमाडौं जिल्ला अदालतका श्रेस्तेदार रामु शर्माले जानकारी दिए । प्रसाईंलाई ४० हजार धरौटीमा छौड्न आदेश भएको शर्माले बताए ।
प्रसाईंलाई संगठित अपराधको मुद्दामा पनि प्रहरीले अनुसन्धान गरिरहेकाले उनी प्रहरी हिरासत बाहिर भने आउने छैनन् ।
संगठित अपराधमा अनुसन्धान गर्नका लागि प्रसाईंलाई हिरासतमा राख्न अदालतले यसअघि नै म्याद दिएको छ ।
