काठमाडौँ — प्रधानमन्त्री केपी शर्मा ओलीको औपचारिक चीन भ्रमणको गृहकार्य गर्न परराष्ट्रमन्त्री आरजु राणा देउवा बिहीबार चीन जाँदै छिन् । उनले चीनका विदेशमन्त्री वाङ यीसँग छेन्दु सहरमा शुक्रबार भेटवार्ता गर्ने कार्यक्रम छ ।
परराष्ट्र मन्त्रालयद्वारा जारी विज्ञप्तिअनुसार राणा बिहीबार छेन्दु पुगेर शनिबार काठमाडौं फर्कने छिन् । त्यसपछि प्रधानमन्त्री ओलीसँग मंसिर १७ देखि २१ सम्म फेरि चीन भ्रमण गर्ने छिन् ।
परराष्ट्र मन्त्रालयले राणा र वाङ बीचमा द्विपक्षीय कुराकानी हुने उल्लेख गरेको छ । साथै, उक्त अवसरमा बृहत् रुपमा समान चासोको विषय तथा प्रधानमन्त्री ओलीको औपचारिक चीन भ्रमणको तयारीको कुराकानी हुने उल्लेख छ ।
