'एकचोटी बडो गोप्य तरिकाले बैठक बस्यो । त्यहाँ प्रधान सेनापति, तीनवटै जिल्लाकै सीडियोहरू पनि थिए ।एजेण्डा के हो थाहा थिएन' राउतले भनेका छन्,'तर त्यहाँ थाहा भयो  काठमाडौंको मेयरले एउटा स्टाटस लेख्नुभएको रहेछ । पक्राउ गरौं कि भन्ने रहेछ । त्यतिबेला मैले रियलाइज गरें कि लोकतान्त्रिक शक्ति कस्तो हुन्छ र बामपन्थी शक्ति कस्तो हुन्छ भनेर । त्यो बेला प्रधानमन्त्रीले मलाई सोध्नुभयो । नयाँले नयाँलाई समर्थन गर्छ कि भनेर !  मैले भने कुनै हालतमा पक्राउ गर्न मिल्दैन । त्यहाँ सवा लाख कमेन्ट आएको छ त्यसमा ९५ प्रतिशतले सरकारलाई नै गाली गरेको छ । उहाँको समर्थन गरेको छ ।' 

आफूले यस्तो भनेपछि 'हामीहरू चोर नै हौं त' भन्ने खालको भावना व्यक्त गरेको उनले बताए ।  प्रधामन्त्री र गृहमन्त्रीले जसरी पनि ठोक्ने भन्ने खालको मनस्थितिमा रहेको  पाएको पनि उनले उल्लेख गरे । ' तर त्यतिबेला कांग्रेसको सभापति शेरबहादुर देउवाले यो लोकतन्त्र हो बोल्दै गर्छन् । बोल्दैमा आगो लगाइदियो त ?  बोल्न पाउनुपर्छ भनेर अडान राख्नुभयो । त्यतिबेला थाहा भयो, लोकतान्त्रिक र बामपन्थी शक्तिबीचको फरक के हो ।  प्रस्टपेक्टिभ नै फरक पर्छ ।'