बाध्यतावश विदेसिने अवस्था अन्त्य गर्नुपर्छ : श्रममन्त्री भण्डारी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — श्रम, रोजगार तथा सामाजिक सुरक्षा मन्त्री शरतसिंह भण्डारीले राज्यले श्रमिकको श्रमको उचित कदर गर्न नसकेको बताएका छन् । श्रमिकहरूको उचित सम्मान हुन नसकेको उनको भनाइ छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![बाध्यतावश विदेसिने अवस्था अन्त्य गर्नुपर्छ : श्रममन्त्री भण्डारी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/sharatsingh-bhandari-0822024010209-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
बिहीबार काठमाडौंमा आयोजित ‘इम्प्लोयमेन्ट, माइग्रेसन एन्ड रेमिट’ सम्मेलनको अन्तिम सत्र ‘श्रममन्त्रीको श्रम कति ?’ मा विषयक अन्तरक्रियामा उनले यस्तो बताएका हुन् ।
श्रमिकहरूकै हकहिता संरक्षणका लागि सरकारले 'राष्ट्रिय आप्रवासन नीति' तर्जुमा गर्न समिति गठन गरेको पनि उनले बताए । वैदेशिक रोजगार नागरिकको अधिकार नै भएकाले रहरले विदेश काम गर्न जानेलाई रोक्न नसकिने तर, बाध्यतावश विदेशिनुपर्ने अवस्था अन्त्य गर्नुपर्ने उनको भनाइ थियो । ‘मुलुकमै राम्रो काम पाउँदा पाउँदै पनि श्रमिक किन बाहिर गइरहेका छन्, त्यसबारेमा विचार गर्नुपर्नेछ,’ उनले भने ।
![](https://assets-cdn.ekantipur.com/uploads/source/ads/900-x-100-1-0282024055738.gif)