१५ सय कामदारलाई कार्यस्थलमा आधारित रोजगारमुलक तालिम दिइने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — उद्योगहरुमा रोजगारी सिर्जना र सीपयुक्त जनशक्ति उत्पादनको लागि कार्यस्थलमा आधारित रोजगारमुलक तालिम दिइने भएको छ । आइतबार उद्योग, वाणिज्य तथा आपूर्ति मन्त्रालयमा एक कार्यक्रमका बीच लघु, घरेलु तथा साना उद्योग प्रवर्द्धन केन्द्र, नेपाल उद्योग परिसंघ र ६ उद्योगहरुबीच रोजगारी सिर्जना र सीपयुक्त जनशक्ति उत्पादनका लागि त्रिपक्षीय सम्झौता भएको हो ।
![](https://assets-cdn.ekantipur.com/uploads/source/ads/comp-900x100-1672024010950.gif)
सम्झौता पत्रमा केन्द्रका कार्यकारी निर्देशक दीपक घिमिरे, उद्योग परिसंघको तर्फबाट महानिर्देशक दीपक जोशी र उद्योगहरुको तर्फबाट सम्बन्धित प्रतिनिधिहरुले हस्ताक्षर गरे ।
सम्झौतामा ६ उद्योगहरुले १ हजार ६६३ जना प्रशिक्षार्थी श्रमिक छनोट गरी प्रशिक्षण प्रदान गर्ने र रोजगारी दिने उल्लेख छ ।
कार्यक्रममा उद्योग वाणिज्य तथा आपूर्तिमन्त्री रमेश रिजालले सम्झौताबाट स्वदेशमा नै तालिम प्राप्त दक्ष जनशक्ति निर्माण हुने र देशभित्रै सीपयुक्त रोजगारीको अवसर प्राप्त हुने विश्वास व्यक्त गरे । उनले रोजगारीको लागि नेपाली युवा जनशक्ति विदेश पलायन हुनेक्रम बढिरहेको र मुलुकमा दक्ष जनशक्ति अभाव भएर उद्योगहरु सञ्चालनमा विदेशबाट जनशक्ति ल्याउनुपर्ने बाध्यता रहेको बताए ।
उनका अनुसार सरकारले कार्यस्थलमा आधारित रोजगारमुलक प्रशिक्षणक कार्यक्रम अन्तर्गत् ४ हजार दक्ष कामदार बनाएर रोजगारी सिर्जना लक्ष्य रहेको बताए ।
![](https://assets-cdn.ekantipur.com/uploads/source/ads/900-x-100-1-0282024055738.gif)