साउदीको ताबुकमा राहदानी शिविर
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — साउदी अरबको जेद्दास्थित नेपाली महावाणिज्यदूतको कार्यालयले राजधानी रियादबाट १३ सय किलोमिटर टाढा रहेको ताबुकमा आयोजित राहदानी शिविरबाट ३ सय ९१ जनाको विद्युतीय राहदानीको फाराम संकलन गरेको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![साउदीको ताबुकमा राहदानी शिविर](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/saudi-rahadhani-1782023021312-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
गैरआवासीय नेपाली संघ, क्षेत्रीय समन्वय समिति, ताबुकको संयोजकत्वमा महावाणिज्यदूतको कार्यालयले राहदानी शिविर गर्न टोली खटाएको हो । ‘ताबुकबाट रियाद वा जेद्दा जान/आउन निकै कठिन थियो । श्रमिकलाई बिदा पाइदैन्थ्यो । यहाँ नै शिविर भएपछि हाम्रो समय मात्रै होइन रकम पनि बचत भएको छ,’ एनआरएन, ताबुकका अध्यक्ष नरबहादुर खतिवडाले भने ।
महावाणिज्यदूतको कार्यालयले श्रम सहचारी सहचारी तमराज काफ्लेको नेतृत्वमा टोली खटाएको हो । राहदानी शिविरमा फाराम बुझाउनका लागि ताबुक क्षेत्रको दुबा, हाकल, सरमा, अलवज, आरार, ताइमाबाट श्रमिकहरू पुगेका थिए ।
एकदिने शिविर भएपनि श्रमिकहरुको चाप बढेपछि दुई दिन पुर्याइएको थियो । यसैबीच गैरआवासीय नेपाली संघ क्षेत्रीय समन्वय समिति ताबुकको ९औं वार्षिकोत्सवसमेत मनाइएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)