बाबुराम भट्टराईको नयाँ दल 'नेपाल समाजवादी पार्टी'

'हामीले नाम परिवर्तनका लागि दिएको निवदेनलाई आयोगले स्वीकृत गरेको छ‚' भट्टराईको सचिवालयका विश्वदीप पाण्डेले भने, 'केही दिनभित्रै बस्ने केन्द्रीय समितिको बैठकले बाँकी कामबारे निर्णय गर्ने छ ।’

जसपाका अध्यक्ष उपेन्द्र यादवसँग विवाद चर्किँदै गएपछि गत फागुन ५ गते भट्टराईनिकट लामिछानेले निर्वाचन आयोगमा समावेशी लोकतान्त्रिक पार्टी दर्ता गराएका थिए ।

उक्त पार्टीको चुनाव चिह्न आँखा रहेको छ । लामिछानेले आयोगमा नाम, झन्डा, छाप परिवर्तन, विधान संशोधनका लागि निवेदन दिएका थिए ।

यादवसँग मतभिन्नता बढेपछि असारको अन्तिम साता भट्टराईले केन्द्रीय कमिटीको विस्तारित बैठक बोलाएका थिए । सो बैठकले पार्टी पुनर्गठन गर्ने निर्णय गरेको थियो ।

त्यसको एक दिनपछि यादवको अध्यक्षतामा पर्साको वीरगन्जमा भएको केन्द्रीय कार्यसमितिको बैठकले भट्टराईसहितका नेताहरूलाई कारबाही गरेको थियो ।