लिउसँगको भेटबारे थापाले भने, ‘बीआरआई’बारे कुरा उठायौं’
काठमाडौँ — नेपाली कांग्रेसका महामन्त्री गगन थापाले चिनियाँ नेताको नेपाल भ्रमणको सिलसिलामा बेल्ट एण्ड रोड इनिसिएटिभ (बीआरआई) बारे कुराकानी भएको बताएका छन् । कम्युनिष्ट पार्टी (सीपीसी)का विदेश विभाग प्रमुख लिउ जियानचाओले प्रधानमन्त्री शेरबहादुर देउवासहित कांग्रेस नेताहरुसँग भेट गरेका थिए ।
कांग्रेसले आइतबार साँझ रात्रिभोज दिएको थियो । त्यसबारे विभिन्न अफवाह फैलिएको भन्दै महामन्त्री थापाले सो भेटबारे ७ बुँदा सार्वजनिक गरेका छन् ।
‘कांग्रेस चीनबाट भविष्यमा अझै प्रभावशाली सहयोगको सदैव अपेक्षा राख्छ । यस सन्दर्भमा चीन सरकारले बीआरआई परियोजनाबाट नेपालले लाभ लिनुपर्छ भन्ने ठान्दछ,’ थापाले भनेका छन् । उनले चीन सरकारसँग नेपालले विगतमा गरेका विभिन्न सहमति तथा सम्झौताको कार्यान्वयनमा ढिलाइ गर्नुुहुन्नँ भन्नेमा कांग्रेस प्रष्ट रहेको बताएका छन् ।
भेटबारे थापाको प्रष्टीकरण :