मन्त्री राईले कर्मचारीलाई सोधे- 'ई-लाइन्सेस वितरण गर्न किन ६ महिना ?'- समाचार - कान्तिपुर समाचार
कान्तिपुर वेबसाईट
AdvertisementAdvertisement

मन्त्री राईले कर्मचारीलाई सोधे- 'ई-लाइन्सेस वितरण गर्न किन ६ महिना ?'

कान्तिपुर संवाददाता

काठमाडौँ — नवनियुक्त भौतिक पूर्वधार तथा यातायात मन्त्री मोहम्मद इस्तियाक राईले ड्राइभिङ लाइसेन्स वितरणमा भइरहेको ढिलाइको विषयमा कर्मचारीहरूबाट जानकारी लिएका छन् । उक्त काममा किन ढिलाइ भएको भन्दै उनले प्रश्नसमेत गरेका छन्।

मन्त्रालयमा आयोजित पदभार ग्रहण कार्यक्रमपछि अधिकारीहरूलाई सम्बोधन गर्दै मन्त्री राईले पहुँच हुनेहरूले २४ घण्टामै ई-ड्राइभिङ लाइसेन्स पाउने गरेको तर सर्वसाधारणका लागि किन ६ महिना लाग्ने भन्दै प्रश्न गरेका थिए ।

'चिनेको छ भने २४ घण्टामा दिने र सार्वसाधारणका लागि किन ६ महिनादेखि १ वर्षसम्म लाग्छ ?' राईको प्रश्न थियो, 'ई-ड्राइभिङ लाइसेन्स विगतमा विवाद भएर अख्तियारमा थियो । म श्रममन्त्री हुँदा अख्तियारबाट निकाले प्रक्रिया थालेको हो । त्यसमा चिप्स छ तर त्यसको रिड कसले गर्ने ? नगर्ने भए बाँडेर फाइदा के ? ट्राफिकले लाइसेन्स हेर्छ कि रिन्यु पनि गर्छ ? किन हामी बाँडिरहेका छौं र ६ -६ महिना कुराइरहेका छौं ।'

नवनियुक्त मन्त्री राईले इम्बोस्ड नम्बर कार्यान्वयनमा देखिएको समस्या समाधानबारे दुई कार्यदलसमेत गठन गरेका छन् । उनले इम्बोस्ड नम्बर कार्यान्वयनको विषय विरोधाभाषपूर्ण रहेको पनि औंल्याएका थिए ।

प्रकाशित : असार २०, २०७९ १८:४८
प्रतिक्रिया
पठाउनुहोस्

विदेशी विनिमय अपचलन गरेको अभियोगमा कुश्माका गणेश पौडेलविरुद्ध मुद्दा दायर  

कान्तिपुर संवाददाता

काठमाडौँ — विदेशी विनिमय अपचलन गरेको अभियोगमा राजस्व अनुसन्धान विभागले कुश्मा–१ का गणेश पौडेलविरुद्ध जिल्ला अदालत काठमाडौंमा मुद्दा दायर गरेको छ । उनीविरुद्ध ८ करोड २३ लाख रुपैयाँ बिगो कायम गरी सजाय माग गरिएको छ । 

उनलाई विदेशबाट अनौपचारिक माध्यमबाट ठूलो रकम प्राप्त हुने गरेको र नेपालमा विभिन्न व्यक्तिलाई भुक्तानी दिएको तथा यस कार्यका लागि आर्थिक लाभ लिएको विभागको भनाइ छ । विदेशमा विदेशी मुद्रा भुक्तानी लिई सोही बराबरको रकम नेपालतर्फको भुक्तानी फरफारक गरेको देखिएको, विदेशी विनिमय कारोबार गर्न इजाजतपत्र लिएको नदेखिएको समेतका आधारलाई प्रमाण मानिएको विभागले जनाएको छ ।


प्रकाशित : असार २०, २०७९ १८:४१
पूरा पढ्नुहोस्
प्रतिक्रिया
पठाउनुहोस्
x
×