प्रधानसेनापति शर्मा लेबनान प्रस्थान- समाचार - कान्तिपुर समाचार
कान्तिपुर वेबसाईट
AdvertisementAdvertisement

प्रधानसेनापति शर्मा लेबनान प्रस्थान

कान्तिपुर संवाददाता

काठमाडौँ — प्रधानसेनापति शर्मा प्रभुराम शर्मा शनिबार लेबनान प्रस्थान गरेका छन् । प्रधानसेनापतिको नेतृत्वमा रक्षा सचिवसहित ७ जनाको टोली त्यसतर्फ प्रस्थान गरेको हो ।द्वन्दग्रस्त क्षेत्रमा शान्ति स्थापनार्थ तैनाथ फौजको हौसला अभिवृद्धि गर्न तथा विभिन्न संयुक्त राष्ट्र संघ (यूएन) मिसनहरुको विविध पक्षहरु एवं भावी योजनाकाबारेमा जानकारी हासिल गर्ने उद्देश्यका त्यसतर्फ गएको नेपाली सेनाले जनाएको छ ।

शर्माले असार १० गते सम्म यूएनको आह्वानमा शान्ति स्थापनार्थ नेपाली शान्ति सैनिकहरु तैनाथ लेवानमा रहेको युनिफिल मिसन र सिरियामा रहेको यूएनडफ

मिसनको निरीक्षण भ्रमण गर्ने छन् । उनले उक्त मिसनहरूको वस्तुस्थिति,अपरेसनल गतिविधि, फौज तैनाथीको अवस्थालगायत अन्य विविध पक्षहरूका बारेमा जानकारी लिने कार्यक्रम रहेको सेनाले जनाएको छ ।

भ्रमणका प्रधान सेनापति महारथी शर्माले लेवनान र सिरिया का मिसनका उच्चपदस्थ अधिकारीहरुसँग भेटघाट गर्नु हुनेछ । शर्माले त्यसपछि असार १३ मा त्यतैबाट अमेरिका भ्रमणमा निस्कने छन् । उनी त्यहाँ १७ गतेसम्म रहने छन् । अमेरिका भ्रमणमा ५ सदस्यीय टोली रहने छन् । त्यसपछि उनी असार १९ मा नेपाल फर्कने कार्यक्रम रहेको छ ।

प्रकाशित : असार ४, २०७९ ११:४८
प्रतिक्रिया
पठाउनुहोस्

जिसस रुपन्देहीको प्रमुखमा कांग्रेस

माधव ढुंगाना

भैरहवा — जिल्ला समन्वय समिति रुपन्देहीको प्रमुखमा सत्ता गठबन्धनको तर्फबाट नेपाली कांग्रेसका उम्मेदवार विजयी भएका छन् ।



शनिबार भएको निर्वाचनमा नेपाली कांग्रेसका उमाकान्त चपाई २० मत ल्याएर प्रमुख पदमा विजयी भएका छन् । उनका प्रतिद्वन्द्वी नेकपा एमालेका नर बहादुर घर्ती मगरले १२ मत ल्याए ।

३२ मत रहेको जिल्ला समन्वय समितिको निर्वाचनमा उपप्रमुखमा लोकतान्त्रिक समाजवादी पार्टीका रामकृपाल धोवी १६ मत ल्याएर विजयी भए । उनका प्रतिद्वन्द्वी नेकपा एमालेकी पवित्रा देवी श्रेष्ठले १५ मत ल्याइन् ।

महिला सदस्यमा नेपाली कांग्रेसकी विष्णुमाया सुवेदी जयसवाल १८, दलित वा अल्पसंख्यकमा कांग्रेसकै राजमन प्रसाद हरिजनले २०, सदस्यमा कांग्रेसकै अब्दुल मोकिम मुसलमान २०, ऋषीराम बस्याल १९, लोसपाका मुकेश कुमार पाण्डे १८ मत ल्यायी विजयी भएका छन् ।

यस्तै नेकपा माओवादी केन्द्रकी मन्जु परियार १८ र लोसपाकी बुधनी चमार १९ मत ल्याइ विजयी भएका छन् ।

प्रकाशित : असार ४, २०७९ ११:४७
पूरा पढ्नुहोस्
प्रतिक्रिया
पठाउनुहोस्
×