वैदेशिक रोजगारीमा रहेकालाई सामाजिक सुरक्षा कोषमा आबद्ध गरिने- समाचार - कान्तिपुर समाचार
कान्तिपुर वेबसाईट
AdvertisementAdvertisement

वैदेशिक रोजगारीमा रहेकालाई सामाजिक सुरक्षा कोषमा आबद्ध गरिने

कान्तिपुर संवाददाता

काठमाडौँ — सरकारले वैदेशिक रोजगारमा रहेका नेपाली श्रमिकलाई सामाजिक सुरक्षा कोषमा आबद्ध गर्ने घोषणा गरेको छ । झन्डै एकदशक देखि खाडीमा कार्यरत नेपाली श्रमिकहरुले आफूहरुलाई सामाजिक सुरक्षाको प्रत्याभूति दिन माग गर्दै आएका थिए ।

आगामी आर्थिक वर्ष २०७९/८० को बजेट प्रस्तुत गर्दै अर्थमन्त्री जनार्दन शर्माले नीजि तथा अनौपचारिक क्षेत्रमा वैदेशिक रोजगारीमा रहेका नेपालीलाई सामाजीक सुरक्षाको कोषबाट सन्चालित सामाजिक सुरक्षामा योजनामा क्रमश: आबद्ध गरिदिने बताए छन् ।

सरकारले हाल नीजी क्षेत्रको औपचारिक क्षेत्रमा कार्यरत श्रमिकहरुको लागि मात्रै योगदानमा आधारित सामाजिक सुरक्षा कोष मार्फत सामाजिक सुरक्षा कार्यक्रम कार्यान्वयन गरेको छ । यसमा १६ हजार ८ सय ८७ रोजगारदाताले तीन लाख २० हजार ७ सय ४४ जना श्रमिकलाई आबद्ध गरेको छ । हालसम्म यो कोषमा १४ अर्ब ३८ करोड रुपैयाँ जम्मा भइसकेको छ ।

वैदेशिक रोजगारीमा रहेका श्रमिकलाई सञ्चय कोष कि सामाजिक सुरक्षा कोषमा आबद्ध गर्ने भन्ने विवाद थियो । श्रमिकहरूको लागि सामाजिक सुरक्षा कोष ल्याएको भन्दै वैदेशिक रोजगारीमा रहेकाहरूलाई पनि यही सामाजिक सुरक्षा कोषमा नै आबद्ध गर्ने निर्णय भएको श्रम, रोजगार तथा सामाजिक सुरक्षा मन्त्रालयको भनाइ छ ।

प्रकाशित : जेष्ठ १५, २०७९ १८:१५
प्रतिक्रिया
पठाउनुहोस्

स्थानीय पूर्वाधार विभाग खारेज

कान्तिपुर संवाददाता

काठमाडौँ — सरकारले स्थानीय पूर्वाधार विभाग खारेज गरेको छ । अर्थमन्त्री जनार्दन शर्माले आइतबार संघीय संसदमा बजेट प्रस्तुत गर्ने क्रममा स्थानीय पूर्वाधार विभाग खारेज गरिएको र त्यहाँ कार्यरत कर्मचारीलाई संघीय तथा प्रदेश अन्तर्गत समायोजन गरिएको जानकारी दिएका छन् ।

मन्त्री शर्माले बजेट पेस गर्दै भने, 'स्थानीय पूर्वाधार विभाग खारेज गरी विभागमा रहेका प्राविधिक कर्मचारीमध्ये बढीमा १० प्रतिशत संघीय मामिला तथा सामान्य प्रशासन मन्त्रालय अन्तर्गत स्थानीय पूर्वाधार विकास सहजीकरण इकाइमा रहने तथा बाँकी कर्मचारीहरू प्रदेश सरकार र भौतिक पूर्वाधार सम्बद्ध संघीय मन्त्रालयहरूमा समायोजन हुने व्यवस्था मिलाएको छु ।'

प्रकाशित : जेष्ठ १५, २०७९ १८:१४
पूरा पढ्नुहोस्
प्रतिक्रिया
पठाउनुहोस्
×