चन्द संसद्‌वादमा फसेकाले ‘नेकपा (बहुमत)’ गठन गर्‍यौं : संयोजक बास्तोला- समाचार - कान्तिपुर समाचार
कान्तिपुर वेबसाईट
AdvertisementAdvertisement

चन्द संसद्‌वादमा फसेकाले ‘नेकपा (बहुमत)’ गठन गर्‍यौं : संयोजक बास्तोला

कान्तिपुर संवाददाता

काठमाडौँ — नेत्रविक्रम चन्द संसद्‌वादमा फसेको भन्दै असन्तुष्ट पक्षका नेताहरूले नयाँ पार्टी गठन गरेका छन् । नयाँ पार्टी गठनसँगै चन्द नेतृत्वको नेपाल कम्युनिस्ट पार्टी (नेकपा) औपचारिक रूपमा फुटेको छ । पार्टीमा असन्तुष्ट रहेका धर्मेन्द्र बास्तोला नयाँ पार्टीको संयोजक चयन भएका छन् ।

बास्तोलाले पत्रकार सम्मेलन गरेर सोमबार नयाँ पार्टी गठन भएको जानकारी गराएका छन् । उनले नयाँ पार्टीको नाम 'नेकपा (बहुमत)' रहेको जानकारी दिए । नयाँ पार्टीको नेतृत्व पनि बास्तोलाले नै गर्ने भएका छन् ।

'तत्कालीन महासचिव नेत्रविक्रम चन्द र प्रवक्ता खड्गबहादुर विश्वकर्मा संसद्‌वादमा फसिसकेकाले पार्टी पुनर्गठन गरेका हौं' बास्तोलाको भनाइ थियो । त्यस्तै, आफूहरूमाथि आर्थिक अनियमिताको आरोप गलत रूपमा लगाइएको पनि उनले बताए ।

गत चैतमा भएको केन्द्रीय समिति बैठकको निर्णय विपरीत चन्द गएपछि नयाँ पार्टी गठन गर्नुको विकल्प नभएको बास्तोलाको भनाइ थियो । उनले भने, 'पार्टी चुनावमा नजाने भएपछि पनि प्रवक्ता पार्टी चुनावमा जाने, पार्टी दर्ताको प्रयास गर्ने, चुनावमा केन्द्रीय समिति सदस्य उठाउने र उठाउन प्रयत्न गर्ने काम भयो । पार्टी नीति बाहिर चुनावमा उठाउने र कतिपय केन्द्रीय समिति सदस्यहरू त एमालेको चुनाव चिह्न लिएर चुनावमा जान लालायित भएपछि यसरी समय बर्बाद गर्नु ठीक हुँदैन भनेर भेला गर्‍यौं र बहुमत पार्टी सदस्यले नेकपा बहुमत भनेर पुनर्गठन गरेका छौं ।'

बास्तोलाले विचार र संगठनात्मक रूपमा बहुमत आफ्नो पक्षमा रहेको दाबी गरे । उनले पार्टीको कार्यदिशा र कार्यक्रमबारे पनि जानकारी गराएका छन् । उनले भने, 'पार्टीको मूल कार्यदिशा वैज्ञानिक समाजवादी क्रान्ति सम्पन्न गर्ने । कार्यदिशा पूरा गर्नका निम्ती कार्यनीतिका रूपमा अहिले स्वाधिन संयुक्त सरकार, राजनीतिक स्थिरता, सामाजिक रुपान्तरण, समृद्धि र स्वाधिनताको नारा अगाडि सारेका छौं ।'

मुलुकमा राजनीतिक स्थिरताका लागि कार्यपालिका, व्यवस्थापिका र न्यायपालिका निर्वाचित हुनुपर्ने माग रहेको बास्तोलाको भनाइ थियो ।

धर्मेन्द्र बास्तोलाको संयोजकत्वमा नेकपाका असन्तुष्ट पक्षले चितवनमा राष्ट्रिय भेला गरेको थियो । उक्त भेलाले नै नयाँ पार्टी गठन गरेको हो ।

प्रकाशित : वैशाख २६, २०७९ १२:४०
प्रतिक्रिया
पठाउनुहोस्

‘जरा’मा सनतका स्मृति कथा

कान्तिपुर संवाददाता

काठमाडौँ — पत्रकार सनत सापकोटाको संस्मरणात्मक स्मृति कथाको संग्रह ‘जरा’ बजारमा आएको छ । ‘कथासंस्मरण’ विधा भनेर कथाकार सापकोटाले १७ वटा निबन्धलाई संग्रहमा समेटेका छन् ।

पूर्णिमा साहित्य प्रकाशन, कोहलपुरले प्रकाशित गरेको कृतिभित्रको कथात्मक शैलीभित्र आफ्नै जीवनकालमा जोडिएका स्मृतिमा शिल्पीगत परिष्कार थपिएको छ ।

‘वास्तवमा मानिसको जरा वा आधार पनि त्यही हो, जहाँ ऊ जन्मियो र हुर्कियो । उसको स्वर्णिमकाल त्यही बाल्यकाल हो,’ भन्दै ‘जनै काण्ड’, ‘अर्काको भागको पिटाइ’, ‘मैले नगरेको हत्या’, ‘मलाई माफ गर्नोस् हजुरबा’ जस्ता जीवनका निकटस्थ क्षणलाई स्मृतिकथा बनाएर लेखेका छन् ।




प्रकाशित : वैशाख २६, २०७९ १२:१८
पूरा पढ्नुहोस्
प्रतिक्रिया
पठाउनुहोस्
×