सेसेल्ससँग श्रम सम्झौता गरिने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — पूर्वी-अफ्रिकाको पर्यटकीय मुलुक सेसेल्ससँग नेपालले श्रम सम्झौता गर्ने भएको छ । श्रम, रोजगार तथा सामाजिक सुरक्षामन्त्री कृष्णकुमार श्रेष्ठले सेसेल्स भ्रमणका क्रममा माहे आइल्यान्डमा आयोजित समारोहमा श्रम सम्झौताबारे जानकारी दिएका हुन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![सेसेल्ससँग श्रम सम्झौता गरिने](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/sesels-2332022052542-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
टापुहरूले भरिएको देश सेसेल्समा होटल, रेस्टुरा, आतिथ्य सेवासहितका काममा १५ सयभन्दा बढी नेपाली श्रमिक कार्यरत छन् । मन्त्री श्रेष्ठले नेपाल र सेसेल्सबीच द्वैपक्षीय श्रम सम्झौता गर्ने क्रममा सरकारी पदाधिकारीहरूसँग सम्वाद जारी रहेको जानकारी दिएका छन् । सेसेल्समा अवैधानिक तवरमा नेपाली श्रमिकलाई रोजगारीमा पठाउन थालिएको गिरोहबारे पनि आवश्यक निगरानी तथा कारबाहीका लागि मन्त्री श्रेष्ठले सेसेल्सस्थित गैरआवासीय नेपाली समुदायसाग परामर्श गरेका थिए ।
‘अबदेखि सेसेल्समा नेपाली श्रमिकसम्बद्ध कुनै पनि समस्या भएमा गैरआवासीय नेपाली संगठनमार्फत आधिकारिक गुनासो लिएर आएमा श्रम मन्त्रालयले सक्दो सहयोग गर्नेछ,’ मन्त्री श्रेष्ठले भने ।
भ्रमण दलमा श्रम सचिव एकनारायण अर्याल, सहसचिव राजिव पोख्रेल, उपसचिव डा. थानेश्वर भुसाल र नेपालका लागि सेसेल्सका अवैतनिक वाणिज्यदूत नरेश दाससहितको उपस्थिति रहेको थियो । सेसेल्सको माहे आइल्यान्डस्थित रोचे प्रशासनिक भवनमा सम्पन्न कार्यक्रममा एनआरएनए सेसेल्सका अध्यक्ष मनोज विकले सेसेल्सको पर्यटकीय गन्तव्यमा दक्ष र सक्षम नेपाली श्रमिकको अपरिहार्यता रहेको जनाएका थिए ।
![](https://assets-cdn.ekantipur.com/uploads/source/ads/900-x-100-1-0282024055738.gif)